കിവികളെ പിടിക്കാന്‍ പുതിയ മുഖവുമായി ടീം ഇന്ത്യ-
Dhanesh 
ജയ്പൂര്‍: ഐസിസിയുടെ ടി20 ലോകകപ്പിന് തിരശീല വീണതിനു പിന്നാലെ ഇന്ത്യന്‍ ക്രിക്കറ്റ് പ്രേമികള്‍ക്കു ആഘോഷിക്കാന്‍ വക നല്‍കി പുതിയ പരമ്പരയ്ക്കു തുടക്കമാവുകയാണ്. ഇന്ത്യയും ന്യൂസിലാന്‍ഡും തമ്മിലുള്ള ടി20 പരമ്പരയ്ക്കു ബുധനാഴ്ച തുടക്കമാവും. മൂന്നു മല്‍സരങ്ങളുടെ പരമ്പരയിലെ ആദ്യത്തെ കളിയാണ് ജയ്പൂരില്‍ നടക്കാനിരിക്കുന്നത്. സവായ് മാന്‍സിങ് സ്റ്റേഡിയത്തില്‍ രാത്രി ഏഴു മുതലാണ് മല്‍സരം.
ഇന്ത്യയെ സംബന്ധിച്ച് ഒരുപാട് പ്രത്യേകതകളുള്ള പരമ്പരയാണിത്. ഇന്ത്യന്‍ ക്രിക്കറ്റിലെ പുതിയൊരു അധ്യായത്തിന്റെ തുടക്കം കൂടിയാണ് ഇത്. അതുകൊണ്ടു തന്നെ വിജയത്തോടെ തന്നെ പരമ്പരയില്‍ തുടക്കം കുറിക്കാനാരിയിരിക്കും ഇന്ത്യയുടെ ശ്രമം.
