രണ്ട് വയസുകാരിയെ വായിലാക്കി പുള്ളിപ്പുലി; അപ്പൂപ്പനും അമ്മൂമ്മയും ചേര്‍ന്ന് പുലിയെ അടിച്ചുവീഴ്ത്തി
സ്വന്തം ലേഖകൻ 
ചെറുമകളെ പുലിയുടെ വായില്‍ നിന്ന് രക്ഷിച്ച്‌ അപ്പൂപ്പനും അമ്മൂമ്മയും. മധ്യപ്രദേശിലെ കുനോ നാഷനല്‍ പാര്‍ക്കിന് സമീപമാണ് സംഭവം. വീടിെന്‍റ വരാന്തയില്‍ അമ്മൂമ്മക്കൊപ്പം കിടന്ന് ഉറങ്ങുകയായിരുന്ന രണ്ടുവയസുകാരിയെയാണ് പുലി കടിച്ചുകൊണ്ട് പാഞ്ഞത്.
കുട്ടിയുടെ നിലവിളി കേട്ട 50കാരിയായ ബസന്തിഭായ് ഗുര്‍ജാര്‍ ഉണര്‍ന്നപ്പോള്‍ കണ്ടത് കുട്ടിയെ വായിലാക്കി നില്‍ക്കുന്ന പുലിയെയാണ്. ചാടിയെഴുന്നേറ്റ ബസന്തി ഭായ് തെന്‍റ സര്‍വ്വ ശക്തിയും എടുത്ത് പുലിയെ തൊഴിച്ചു. എന്നാല്‍ കുട്ടിയുടെ കടി വിടാന്‍ പുലി തയ്യാറായിരുന്നില്ല. ഇതിനിടെ ശബ്ദം കേട്ട് ബസന്തി ഭായിയുടെ ഭര്‍ത്താവും എഴുന്നേറ്റു. തുടര്‍ന്ന് ഇരുവരും ചേര്‍ന്ന് പുലിയെ നേരിട്ടു. രണ്ടുപേരെ കണ്ട് പരിഭ്രാന്തനായ പുലി കുട്ടിയുടെ കടിവിടുകയും അപ്പൂപ്പനും അമ്മൂമ്മക്കും നേരേ തിരിയുകയും ചെയ്തു.
ഇൗ സമയം ശബ്ദംകേട്ട് കൂടുതല്‍ ആളുകള്‍ വരാന്‍ തുടങ്ങിയതോടെ പേടിച്ച പുലി കാട്ടിലേക്ക് ഒാടി രക്ഷപ്പെടുകയായിരുന്നു. കുട്ടിക്ക് കാര്യമായ പരിക്കുപറ്റിയില്ലെന്നും പ്രാഥമിക ശുശ്രൂഷകള്‍ക്കുശേഷം സുഖം പ്രാപിക്കുന്നതായും ബസന്തി ഭായ് പ്രാദേശിക മാധ്യമങ്ങളോട് പറഞ്ഞു. കുനോ നാഷനല്‍ പാര്‍ക്കില്‍ നിന്ന് പുറത്തുകടന്ന പുലിയാണ് കുട്ടിയെ ആക്രമിച്ചത്. 'ഇവിടെ ഞങ്ങള്‍ ഏറെ വര്‍ഷങ്ങളായി ജീവിക്കുകയാണ്. എന്നാല്‍ ഇതുവരെ ഇത്തരം ഒരു സംഭവം ഉണ്ടായിട്ടില്ല'-ബസന്തിഭായ് ഗുര്‍ജാര്‍ പറഞ്ഞു. പാര്‍ക്കിെന്‍റ സുരക്ഷ വര്‍ധിപ്പിക്കുമെന്നും പരിക്കേറ്റവര്‍ ആവശല്‍മായ ചികിത്സ നല്‍കുമെന്നും കുനോ ഡിവിഷനല്‍ ഫോറസ്റ്റ് ഒാഫീസര്‍ പി.കെ.വര്‍മ പറഞ്ഞു.
