തിരുവനന്തപുരത്ത് കടുത്ത നിയന്ത്രണങ്ങള്‍.
Shiju 
കോവിഡ് വ്യാപനം നേരിടാന്‍ തിരുവനന്തപുരത്ത് കടുത്ത നിയന്ത്രണങ്ങള്‍. തിരുവനന്തപുരം ജില്ല സി കാറ്റഗറിയിലായി. കൊല്ലം, തൃശൂര്‍, എറണാകുളം, വയനാട്, ഇടുക്കി, പാലക്കാട്, ആലപ്പുഴ, പത്തനംതിട്ട എന്നീ എട്ടു ജില്ലകള്‍ ബി വിഭാഗത്തിലാണ്. കോട്ടയം, മലപ്പുറം, കണ്ണൂര്‍ ജില്ലകള്‍ എ വിഭാഗത്തിലും. കോഴിക്കോടും കാസര്‍കോടും ഒരു വിഭാഗത്തിലും ഇല്ല. സി വിഭാഗത്തില്‍ തിയേറ്ററുകളും ജിമ്മുകളും അടച്ചിടും. മാളും ബാറും തുറക്കും. ബി, സി വിഭാഗങ്ങളിലുള്ള ജില്ലകളില്‍ പൊതുപരിപാടികള്‍ അനുവദിക്കില്ല. വിവാഹം, മരണാനന്തര ചടങ്ങുകള്‍ എന്നിവയ്ക്ക് 20 പേര്‍ മാത്രം. എ വിഭാഗത്തില്‍ 50 പേര്‍ക്കാണ് അനുമതി. സംസ്ഥാനത്തെ രോഗവ്യാപന നിരക്ക് 47.7 ശതമാനമാണ്.
