നാടന്‍പാട്ട് കലാകാരന്‍ പി.എസ്. ബാനര്‍ജി അന്തരിച്ചു
സ്വന്തം ലേഖകൻ 
കൊല്ലം: പ്രമുഖ കാര്‍ട്ടൂണിസ്റ്റും നാടന്‍പാട്ട് കലാകാരനുമായ മനക്കര മനയില്‍ പി.എസ് ബാനര്‍ജി (41) അന്തരിച്ചു. കോവിഡ് ഭേദമായതായിരുന്നു. കോവിഡിന് ശേഷമുള്ള ആരോഗ്യ പ്രശ്നങ്ങള്‍ക്ക് ചികിത്സയിലിരിക്കെ വെളളിയാഴ്ച പുലര്‍ച്ചെയാണ് മരണം സംഭവിച്ചത്.
കൊല്ലം ശാസ്താംകോട്ട സ്വദേശിയായ ബാനര്‍ജിക്ക് ലളിത കലാ അക്കാദമി ഫെലോഷിപ്പ് ലഭിച്ചിട്ടുണ്ട്. താരക പെണ്ണാളേ, കൊച്ചിക്കാരത്തി കൊച്ചു പെണ്ണേ തുടങ്ങി ഒട്ടേറെ നാടന്‍ പാട്ടുകള്‍ പാടിയത് ബാനര്‍ജി ആയിരുന്നു.
പാച്ചു, സുഭദ്ര എന്നിവരാണ് മാതാപിതാക്കള്‍. ഭാര്യ: ജയപ്രഭ. രണ്ടു മക്കളുണ്ട്.
